ايتپاقشى, العاشقى ەكى ماتچتان كەيىن «EXPO 2017 Football Cup» ءتۋرنيرى سالتاناتتى تۇردە رەسمي اشىلىپ, ارى قاراي ءۇشىنشى ماتچ قازاقستان قۇراماسى مەن الەم قۇراماسىنىڭ باسەكەسىمەن باستالعان.
ءاۋ ءبىسسىمىللا, اندرەي بوگومولوۆ 3-مينۋتتا قارسىلاستىڭ قاقپاسىنا ءبىر گول سالىپ جىبەرگەن ەدى. الايدا, ەرنان كرەسپو 5-مينۋتتا-اق ەسەپتى تەڭەستىرىپ تاستادى. 7-مينۋتتا تاعى گول. قازاقستان قۇراماسىنان اندرەي فينونچەنكو سوقتى. وعان قارىمتا الەم قۇراماسىنان ازامات ءابدىرايىموۆتان بولدى. ەسەپ تاعى تەڭەستى.
وسىلايشا كەزەك الماسقان گولدار كەزدەسۋ سوڭىنا قاراي قارسى جاققا اۋىپ, ناتيجە 7:4 ەسەبىمەن اياقتالدى.
«EXPO 2017 Football Cup» ءتۋرنيرىنىڭ ءبىرىنشى ماتچى قازاقستان مەن گەرمانيا قۇرامالارىنىڭ اراسىندا, ەكىنشى ماتچى يتاليا مەن رەسەي قۇرامالارى اراسىندا ءوتىپ, وتانداستارىمىز گەرمانيالىقتاردى 8:6 ەسەبىمەن جەڭسە, رەسەيلىكتەر يتاليا قۇراماسىن 9:3 ەسەبىمەن تىزە بۇكتىرگەن بولاتىن.